26-30 sentyabr 2011-ci il tarixlərdə Yalta (Ukrayna) şəhərində “İnformatika və modelləşdirmə problemləri” mövzusunda XI Beynəlxalq konfrans keçiriləcək. Tədbirin təşkilatçıları Ukrayna Milli Elmlər Akademiyası, Ukrayna Elm, Təhsil, Gənclər və İdman Nazirliyi, Xarkov Politexnik İnstitutu və Krım Humanitar Universitetidir.

Azərbaycan Prezidenti İlham Əliyev “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” fərman imzalayıb.
Sənəddə qeyd olunur ki, Azərbaycanın davamlı və dayanıqlı sosial-iqtisadi inkişafının təmin edilməsi, dövlət idarəçiliyinin müasir prinsiplər əsasında həyata keçirilməsi məqsədi ilə informasiya və kommunikasiya texnologiyalarından istifadə olunması dövlət siyasətinin prioritetlərindən birinə çevrilib və bu sahədə mühüm tədbirlər görülüb.
“Azərbaycan Respublikasında rabitə və informasiya texnologiyalarının inkişafı üzrə 2010-2012-ci illər üçün Dövlət Proqramı (Elektron Azərbaycan)”, eləcə də informasiya və kommunikasiya texnologiyalarının inkişafı ilə bağlı qəbul edilən digər normativ hüquqi aktlar əsasında dövlət orqanlarının əhaliyə beynəlxalq standartlara uyğun elektron xidmətlər göstərməsi sahəsində hüquqi baza formalaşıb.

Azərbaycanda informatikanın 50 illiyinə həsr olunmuş “Azərbaycanda informatikanın təşəkkülü” kitabı işıq üzü görüb. Layihənin rəhbəri akademik

Əli Abbasov, elmi redaktoru isə akademik Telman Əliyevdir.

2011-ci ilin devizi: “Kənd yerlərində İKT ilə həyat daha yaxşıdır”

İnformasiya-kommunikasiya texnologiyaları (İKT) dünyanın ünsiyyət vasitələrini daim dəyişərək uzunmüddətli davamlı inkişaf yolu ilə həyatın, xüsusən də cəmiyyətin daha aztəminatlı təbəqələrinin yaşayışlarının yaxşılaşdırılması üçün yeni imkanlar yaradır.

Bu il biz, Beynəlxalq Telekommunikasiya İttifaqının (BTİ) yaranmasının 146-cı ildönümünü qeyd edir və İKT üstünlüklərinin daha ucqar rayonlara çatdırılmasına çalışaraq diqqətimizi bütün dünyanın kənd cəmiyyətlərinə yönəldirik.

İnformasiya və kommunikasiya texnologiyaları qlobal dünyamızı kökündən dəyişdirmişdir. İKT dünya iqtisadiyyatına güc verir, insanlara məsafə və mədəni fərqlərə baxmayaraq ünsiyyət saxlamağa kömək etməklə, ticarət və kommersiyanın inkişafına imkan yaratmaqla, səhiyyə və təhsil kimi mühüm xidmətləri göstərməklə, müasir cəmiyyətin hərəkətverici qüvvəsinə çevrilmişdir.

Dünyada, xüsusilə də Şimali Afrika və Yaxın Şərqdə baş verən son hadisələr də mobil telefonların və sosial kütləvi informasiya vasitələrinin ictimai fikrin zülmə qarşı çıxmasında böyük rol oynadıqlarını göstərdi. Son zamanlar təbii fəlakətlərin daha tez və güclü zərbəsindən sonra biz görürük ki, bu texnologiyalar həyatları xilas etmək, ailələri birləşdirmək və ehtiyacı olanlara fövqəladə yardım göstərmək üçün əlaqə qurmaqda böyük rol oynayır.